МОЛИТВА святым мученикам Флору и Лавру | 0 |
4.06.11
Прехвальнии мученици Флоре и Лавре, вас не земля потаила есть, но небо прият вы, во еже быти вам молитвенники и предстатели о чтущих с любовию честную память вашу. Молитеся же за ны, трудолюбцы незлобивии, да подвигнет Господь и нас, в трудех и утеснении сущих, к деланию заповедей Его, да не токмо о пищи и питии, но и о еже како угодити Господеви попечемся; споболите печалем и воздыханием нашим, и да не озлобятся до конца души наша, но да возгорятся любовию друг ко другу, да пребудем в мире и единомыслии, якоже и вы, самобратнии блаженнии. Наипаче же утвердите ны в вере святей и правей, юже имуще в сердцам наших, не устрашимся в поношении и унижении и всяких обстояниих, имиже одержими есмы, но, яко испытание силы веры нашея с благодарением сие приимше, доброе исповедание соблюдем, в немже и прейдем от юдоли сей в вечное Царствие Господа нашего, Емуже слава и держава во веки веков. Аминь.
Тропарь мученикам Флору и Лавру
Тропарь, глас 4
Преудобренную и богомудрую двоицу пресветлую восхвалим вернии по достоянию, Флора преблаженного и Лавра всечестнаго, иже усердно Троицу Несозданную ясно проповедаста всем. Темже пострадавше до крове, и венцы пресветлыми увязостеся: молитеся Христу Богу, да спасет души наша.
Кондак, глас 8
Яко благочестия мученики, и страдальцы Христовы богомудренны, вселенная преславно почитает Флора и Лавра днесь: яко да улучим благодать и милость молитвами их, и избавимся бед и напастей, гнева же и скорби в день судный.
h2. Божественное Веление Освобождения от СтрессаВОЛШЕБНАЯ МОЛИТВА Джозефа Мэрфи
ПРОЩАЕМ ОБИДЫ…
ЕЩЕ РАЗ О ПРОЩЕНИИ…
ПРОЩЕНИЕ
ХООПОНОПОНО ПРОТИВ УСТАЛОСТИ
Молитва помощи и самопомощи в трудных ситуациях
Молитва прощения с пояснением
| раздел: Блог | метки: жизненная сила, защита, иппотерапия, лошади, мантра, молитва, на благополучие, святые
